BAHAN PJJ GBKP TGL 15-21 APRIL 2018

BAHAN PJJ TGL 15-21 APRIL 2018

THEMA:METENGET NANDANGI AJARAN SI LA PAYO

Ogen : 2 Petrus 3:17-18

Pdt. Maria E br Sitepu

-          Penjelasan Teks

1. 2 Petrus 3: 17-18

Kitab 2 petrus eme kitab si itulis Rasul Petrus nandangi perpulungen Kristen si lit i Asia kecil, tapi memang lit sitik perubahen tujun penulisan, erkiteken ibas kitab 1 Petrus, Rasul Petrus melala ngerana erkiteken penganiayaan si idatken kalak Kristen janah uga carana guna mentasisa si e kerina, tapi ibas kitab enda,

Rasul Petrus melala ngerana erkiteken kebiarenna perpulungen banci ipengaruhi pengajaran kalak si papak. Emakana adi siperdiateken bahan pengogennta benaken ibas ayat 3 nari, siidah uga pengajaran kalak enda si banci erbahanca papak kalak si nggo tek man Dibata eme :

1.      La ia tek erkiteken kerehen Yesus sipeduakaliken.

2.      Padan Dibata

Emakana rasul Petrus nuriken kai harus ilakoken kalak Kristen guna si e eme :

1.      Siakap kesabaran Dibata eme kesempatan man banta guna mpekena dirinta ilebe-lebeNa

2.      Tetap tek maka lit kerehen Yesus si peduakaliken

3.      Tetap meritaken Berita Si Meriah ras ertoto gelah janji Tuhan e reh man banta

4.      Tetap njaga kebadiaan dirinta

Janah erkiteken si e, Rasul Petrus ngatakenca man perpulungen gelah :

1.      Metengetlah ibas si bage kerina

Sedekah enda subuk sisadari ntah lang, kita banci kena ntah ndabuh tentuna erkiteken kita la cukup metenget ernin situasi ras pengajaran-pengajaran si reh kubas kegeluhennta.

2.      Tetap Rembak ras Dibata

Sisadari tentuna iblis ntah kai gelarna sideban la banci deher ras kita adi kita deher ras Dibata, tapi maun-maun erkiteken tuntutan kegeluhennta kita nggo ndauh arah Dibata si erbahanca kita ndabuh kubas pengajaran si bage rupana.

-          Aplikasi

Ibas paksa gundari enda, tentuna si gejapken uga melalana pengajaran-pengajaran si mereken keriahen-keriahen doni man banta. Tapi adi siperdiateken pengajaran si e erbahanca kita reh ndauhna ibas Dibata nari janah hal si eme si erbahanca kita ngenanami kiniseran si la ngasup kita mentasisa, emakana marilah kita metenget ibas geluh enda gelah kita banci nggejapken keriahen erkiteken kinirembakennta ras Dibata.