BAHAN PA MORIA GBKP TGL 15-21 APRIL 2018

BAHAN MORIA TGL 15-21 APRIL 2018

THEMA:BEGIKEN AKU NANDE

Ogen : Masmur 127:3; Kolose 3:21

 Pdt. Maria E br Sitepu

-          Penjelasan Teks

1. Masmur 127:3

Bahan enda eme salah sada tulisan raja Salomo si ngingetken bangsa Israel si sangana erbahanca Rumah Pertoton. Ibas ayat 1-2 isingetken Raja Salomo aminna pe Rumah Pertoton nggo ipanteki kita alu mehuli janah meteguh tapi kerinana enda erkiteken pasu-pasu Dibata labo lit gegeh ibas kita nari.

Emakana salah sada buktina eme masalah anak. Ayat 3 ibas bahan pengogennta enda cidahken bahwa Tuhan e si mereken anak si lit ibas kita, emakana tentuna lit konsekuensi ibas si e adi e labo sikerajangennta penuh. Emakana kita la banci memaksakan kai kin sura-suranta man anak-anakta dahinnta eme mengarahkan ras membimbing anak-anakta enda.

2. Kolose 3:21

Bahan pengogennta si peduaken enda termasuk salah sada perlawanan nandangi pandangan kaum Helenis ija kaum enda erpengakap bahwa Ayah e lit kekuasaan si penuh nandangi kerina isi keluarga khususna man anak.

Emakana adi siperdiateken ibas ayat 21 Paulus ngatakenca uga kin situhuna hubungen si pas na ibas orang tua ras anak.

Ula rusur junguti, ertina ula erbahan ceda pusuh anak (rusur ilakoken) adi memang kin salah labo dalih guna pembelajaran tapi nina Rasul Paulus ula rusur. Gelah anak pe labo bene kehamatenna nandangi orang tua

-          Aplikasi

Minggu enda kita bengket kubas minggu perayaan Ulang tahun KAKR ke 128-ken, tentuna arah bahan morianta enda, iajuk kita guna menyadari uga kin sedekah enda sikapta man anak-anakta. Nggo me bagi kin si nggo kataken ibas Pustaka Si Badia. Adi lenga marilah kita erlajar ibas bahannta enda gelah kai si nggo ibereken Dibata man banta banci si jaga alu mehuli.