BAHAN PA PERMATA GBKP TGL 15-21 APRIL 2018

BAHAN PERMATA TGL 15-21 APRIL 2018

THEMA:TANGGUNG JAWAB PERMATA IBAS PILKADA

Ogen : Filipi 1:9-10

Pdt. Maria E br Sitepu

-          Penjelasan Teks

1. Filipi 1: 9-10

Siinget tentuna kitab Pilipi enda eme salahs ada surat Rasul Paulus si labo ngerana erkiteken masalah ntah pe persoalen ibas perpulungen, tapi erkiteken pengataken bujur Rasul Paulus nandangi perpulungen Pilipi enda

si nggo nampati dahin pelayanen rasul Paulus (bnd Pil 4:14-19), emakana adi siperdiateken ibas bahan pengogennta uga rasul Paulus notoken perpulungen enda gelah :

1.      Ertambahna keleng atena

2.      Ertambahna pemetehna

3.      Ertambahna Pengangkanna

Hal si luar biasana tentuna. Tapi adi siperdiateken ibas ayat enda si sadari tentuna bahwa keleng ate, pemeteh ras pengangkan e labo kebeluhennta emakana perlu rusur si pindo man Dibata gelah reh mbuena kita ibas si 3 hal enda.

Janah erkiteken si e kerina emakana perpulungen kolose banci beluh ibas nentuken pilihan ibas kegeluhen enda. Gelah ibas kerehen Yesus sipeduakaliken ia tetap bersih ras la erpandangen ilebe-lebe Dibata.

-          Aplikasi

Rikutken temanta sendah, emakana iarapken permata gelah tetap mereken dirina man Dibata ibas ia nentuken pilihan khususna ibas Pilkada, ula erkiteken sideban maka ia memilih. Bas bahan enda tangkas kal, labo persoalen sideban kita nentuken pilihannta tapi gelah tetap kita bersih ras la erpandangen ibas kerehen Tuhan Yesus Kristus si peduakaliken, emakana labo urusennta masalah menang ras kalah tapi gundari urusennta eme nentuken pilihennta alu keleng ate, pengangkan, ras pemeteh si rehna Ibas Dibata nari.