BIMBINGAN PEKAN DOA 18 MEI 2018 HARI KE 6

BIMBINGAN PEKAN DOA 18 MEI 2018

“ERTOTO KERNA BENCANA”

Kotbah : Habakuk 3:17-19

Pdt Maria Br Sitepu

-          Penjelasan Teks

a.       Habakuk 3:17-19

Guna memahami bahan enda, emakana perlu lebe kita memahami kai kin sejarah ntah pe konteks nabi habakuk enda.

Secara garis besar kitab habakuk enda itulis sangana bangsa babel jadi bangsa si mbelin ntah pe bangsa adi kuasa janah nggo deher bangsa enda guna menyerang ku bangsa Israel (Yehuda), emakana hal si enda erbahanca nabi Habakuk ngenanami pergumulan iman erkiteken kinata kegeluhen uga bangsa Pilihan Dibata (bangsa Israel) kedungenna ndabuh kubas tan bangsa si sijahat (hab 1:13). Tapi selain si e nabi Habakuk pe ngenanami persoalan erkiteken kondisi bangsa Israel ibas paksa sie si sangana mengalami penurunen ibas kai pe subuk, ekonomi, pemerintahan (Raja Yosia si ngelakoken reformasi ku raja Yoahas si tuhu-

tuhu jahat) ras kiniteken.

Emakana tuhu-tuhu mnabi Habakuk enda ngenanami pergumulen iman si luar biasa, janah si e iperparah erkiteken ibas habakuk 1:1-11 ija Nabi Habakuk mindo pengampunan man Dibata nandangi bangsa enda, tapi kepeken jawaban si ibereken Dibata labo bagi kai siarapken Nabi Habakuk.

Tapi ibas bahan pengogennta khususna ibas ayat 1 nari siidah uga kiniteken nabi Habakuk nggo reh mbagesna nandangi sura-sura Dibata, emakana asangken ia junggut-junggut ras Dibata pangen iakapna ertoto alu penangkih pujin-pujinna man Dibata.  

-          Aplikasi

Bencana tentu salah sada hal si la banci ipesirang arah kegeluhen manusia, bencana labo banci terprediksi janah maun-maun secara logika lanai terdat kita jawaban engkai maka banci e terjadi, bahannta enda cidahken si e kerina, uga nabi habakuk ibas kebingungenna nandangi sura-sura Tuhan tapi tetap ia erpengendes man Dibata janah tetap tek ia bahwa lit rencana Tuhan si terulin nandangi bangsa Israel. Kita pe ibas situasi si la bagi ukurna, tetaplah kita ertoto man Dibata gelah Dibata mpengasup ras mpegegehi kita janah pe adi banci mpetangkas kai kin sura-sura Dibata ibas mara ntah pe bencana si reh kubas kegeluhennta.