BIMBINGAN PEKAN DOA 19 MEI 2018 HARI KE VII

BIMBINGAN PEKAN DOA WARI Vii 19 MEI 2018

THEMA:TETAPLAH ERTOTO

Kotbah : 1 Tesalonika 5:17-18

Pdt Maria Br Sitepu

-          Penjelasan Teks

a.       1 Tesalonika 5:17-18

Perpulungen tesalonika eme salah sada perpulungen si ipanteki Rasul Paulus ibas perdalanen pelayanenna, tapi ibas sura-sura si mehuli enda labo idukung ras situasi si lit ibas kota Tesalonika, erkiteken kota tesalonika aminna pe bagin ibas propinsi romawi, tapi ibas kota enda enterem kalak Yahudi si tetap njemak pengajaran Yahudi, emakana ibas Rasul Paulus manteki perpulungen i Tesalonika ia datken permusuhen ibas kalangan masyarakat Yahudi. Erkiteken si eme maka Rasul Paulus lawes ibas kota Tesalonika aminna lenga seh waktuna guna nadingken perpulungen enda.

Perpulungen tesalonika bagi ikataken kami, eme perpulungen si nguda denga, emakana enterem kalak si ngikutken Kristus ntah pe bertoba lenga datken pengajaran erkiteken kegeluhen selaku kalak Kristen, emakana surat 1 Tesalonika e tentuna itulis Rasul Paulus guna mereken pengajaran kai-kai saja si arus ilakoken selaku kalak Kristen.

Salah sadana banci siidah ibas bahan pengogennta eme ertoto. La banci ipungkiri ertoto eme nafas iman kalak si tek man Tuhan Jesus, erkiteken ibas ertoto enda kita banci membangun hubungan personalta ras Dibata. Jadi Rasul Paulus ngatakenca man perpulungen tesalonika

gelah ertoto katawari pe.

Engkai maka katawari pe ?

Perban ibas paksa si e perpulungen si nguda enda ngenanami melala perbeben erkiteken kalak Yahudi emakana perlu ia gelah tetap ertoto guna mereken kinipaguhen janah gegeh guna dalani wari-warina selaku kalak Kristen. Janah la lupa Rasul Paulus ngatakenca man perpulungen enda gelah tetap ngasup ngatakenca bujur ibas situasi si ugapana pe.

-          Aplikasi

Enda wari terakhir ibas pekan doannta ibas tahun 2018, wari enda tema si isehken man banta eme tetaplah ertoto. Bagi bahan pengogennta ndai Rasul Paulus cidahken ertoto eme gegeh kalak Kristen ntah pe gegeh kalak si tek man Dibata, ije kita banci nurikenca perbebennta man Dibata. Emakana marilah kita tetap ertoto ibas perdalanen kegeluhennta gelah kai pe si reh kubas kegeluhennta kita ngasup guna tetap ngalokenca janah tetap kita ngasup ermeriah ukur janah ngatakenca bujur man Dibata.