BIMBINGAN PEKAN DOA 17 MEI 2018 HARI KE 5

BIMBINGAN PEKAN DOA 17 MEI 2018

“ERTOTO KERNA MASYARAKAT BANGSA RAS NEGARA”

Kotbah : Nehemia 1:4-11

Pdt Maria Br Sitepu 

-          Penjelasan Teks

a.       Nehemia 1:4-11

Adi siinget sejarah, maka sieteh me ise kin situhunna nabi Nehemia enda, nabi enda, eme nabi si tubuh ras mbelin ibas tanah perantauan adi siperdiateken ibas bahannta ayat  1 katakenna je ibas kuta susan ibukota kerajan Persia, emakana nabi Nehemia labo nggejapken kai si terjadi nandangi bangsa Israel sope bangsa enda ibuang kutanah pembuangan. Janah perlu ka siinget nabi Nehemia ibas paksa si e nggo datken dahin selaku juru minuman raja janah tading ibas istana jadi secara finansial bagepe kenyamanan nabi Nehemia nggo datken kenyamanan ibas kegeluhenna.

Tapi kepeken rasa nasionalisme nabi Nehemia nandangi bangsana Israel labo pernah luntur, erkiteken adi siidah ayat 2-3, ija lit sekalak si tergelar Hanani nuriken situasi ras kondisi bangsa Israel si nggo seh ku Jerusalem janah iturikenna uga gambaran tembok Jerusalem ras bangsa Israel si nggo mulih tangis Ia. Hal sienda cidahken aminna pe ia labo tubuh ras mbelin i tanah Israel tapi tetap morah atena ernin situasi si terjadi nandangi bangsana.

Emakana ibas bahan pengogennta icidahken kai si ilakoken nabi Nehemia kenca ibegina berita ndai, eme

1.      Erpuasa

2.      Ertoto

Menarikna perban Nabi Nehemia bagi si kataken idatas nggo me nyaman geluhna tapi erkiteken keleng atena man bangsana ilakokenna puasa ras ertoto man Dibata alu kiniteruken ukur si kuakap luar biasa, hal sienda banci siidah ibas ayat 6-7, uga Nabi Nehemia peterukna bana gelah Dibata banci nampatisa bangsa gelah pulah ibas perbebenna.

-          Aplikasi

Menarik kal adi sihubungken ras kinata kegeluhennta gundari, erkiteken kuakap labo piga kita kalak Kristen si morah ateta ibas kais i nggo terjadi ibas bangsa, Negara ras masyarakatta gundari enda, kita cenderung main aman guna dirinta ngenca, padahal sadar ntah la sisadari bagi nina Nabi Yeremia man bangsa Israel sangana ibas pembuangan, adi sikap kuta e maka kam pe ikut sikap. Hal sienda la sisadari bahwa kehidupan kita gundari ibas bangsa ras Negara bagepe masyarakat enda tergantung uga situasi si lit, emakana kita selaku kalak si tek perlu ertoto man Dibata guna bangsa, Negara ras masyarakatta gelah kerinana banci mehuli gelah kita pe selaku bagin si la terpesirang banci nggejapken si e kerina.