BAHAN KHOTBAH MINGGU 08 JULI 2018

BAHAN KHOTBAH MINGGU 08 JULI 2018

Minggu peningkatan Ekonomi Jemaat

THEMA:Pakekenlah Potensi Alu Mehuli

Invocatio : Matius 25:26-27

Ogen : Perbahanen Rasul-rasul 18:1-3

Khotbah : Kuan-Kuanen 31:10-31

(Pdt Maria Br Sitepu)

-          Penjelasan Teks

a.       Perbahanen Rasul-Rasul 18:1-3

Bagin pengogennta ibas minggu enda, eme salah sada bagin ibas pelayanan Rasul Paulus si peduakaliken si ertujun guna mpegegehi gereja ntah pe perpulungen si nggo pajek. Emakana ibas perdalanen Paulus enda, sangana ia i Korinti erjumpa ia ras sada keluarga si tergelar akwila ras priskila. Ise kin kalak enda. Sieteh arah bahan enda, keluarga enda eme keluarga si nggo ndekah nandai Rasul Paulus janah seri pendahinna eme erbahanca tenda, emakana rasul Paulus kesilang kurumah kalak enda ndai. Tapi salah sada hal si menarik rikutken temanta ibas minggu enda, keluarga ntah pe jabu enda eme jabu si banci kataken pengungsi erkiteken ibas ayat 2 tangkas ikataken ipelawes Kaisar Romawi kalak Jahudi silit i italia, emakana lawes ia ku korinti, tapi aminna pe bage, keluarga enda labo surut ukurna guna tetap ngelakoken kai si nggo jadi kebeluhenna eme erbahan tenda, emakana ibas kota korinti pe kalak enda erbahan tenda.

b.      Kuan-Kuanen 31:10-31

Bahan pengogenta ibas bagin sipeduaken enda, adi siperdiateken eme turi-turin guna ndarami ndehara si cerdik, ntah banci kataken uga kin sekalak ndehara si cerdik. Emakana ibas bagin pemena eme ayat 10-12, tangkas uga pentingna sekalak ndehara si cerdik janah penulis kitab enda ngatakenca, ergan ia asangken permata si erdilap. Emakana e seh kal pentingna ibas keluarga. Janah uga kin ndehara si cerdik enda, adi siperdiateken lit 4 hal eme :

1.      Mejingkat erdahin janah tutus ibas dahin kai pe

2.      Beluh erban perencanaan

3.      Optimis, semangat

4.      Erkemalangen man Tuhan

4 hal enda si coba igambarken penulis kitab enda erkiteken sosok sekalak ndehara. Janah adi sihubungkan ras temanta ibas minggu enda, kepeken si sadari kerina wanita ntah diberu lit potensina guna jadi ndehara si cerdik ibas jabuna, Cuma maun-maun erkiteken sada ras sidebanna la ia nggit ngelakokenca, emakana ibas minggu enda, labo kepeken kita ngerana masalah uga muat kesempatan tapi uga dirinta pe selaku subjek ras objek banci ngelakoken si e kerina.

-          Aplikasi

Minggu enda igelari minggu peningkatan ekonomi jemaat, tentuna la banci si pungkiri aminna pe secara kiniteken la banci bage caranta rukur sisadari me bahwa maun-maun ekonomi berdampak ras kiniteken kalak, emakana salah sada si perlu si ukuri uga erbahanca maka banci lit peningkatan ekonomi ibas perpulungennta si tentuna la banci lang mempengaruhi peningkatan partisipasi perpulungen ibas kegiatan gereja. Minggu enda kita iajari kepeken kerina kita lit potensi ibas dirinta sekalak-sekalak, Cuma maun-maun erkiteken kisat ras sidebanna la nggit si cidahken potensi e. harus sisadari kerina potensi si lit ibas dirinta harus si pake guna kiniulin ibas geluhta gelah arah si e teridah penampat Dibata ibas kegeluhennta enda.