Momo Tgl. 30 November 2014

Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 30 November 2014 guna banci iteh kai-kai saja kegiaten-kegiatenta sada minggu enda, banci inenndu ibas tautan i teruh enda :

Bimbingen Khotbah Minggu 30 November 2014

BIMBINGEN KHOTBAH MINGGU 30 NOVEMBER 2014

ADVENT I

(Pdt. Larena br. Sinuhadji)

Introitus :

“Tapi kam kap Bapa kami, o Tuhan; kami taneh dah, janah desken sekalak pande kudin, itepaNdu kami” (Jesaya 64:8)

Ogen :

Markus 13:24-37 (Tunggal)

Khotbah :

Jesaya 64:1-9 (Anthiponal)

Tema :

KAM KAP BAPA KAMI, O TUHAN

1. Jesaya 64 itulisken man kalak Israel si enggo mulih bas pembuangen nari. Aminna pe enggo mulih ku Jerusalem, tapi rumah pertoton tetap denga lenga ibangun mulihi. Musuh-mush bangsa Israel e me kap bangsa-bangsa i sekelewetna tetap denga nokohi bangsa Israel, si tuhu-tuhu menyakitken man bangsa enda, sebab lenga ka malem kiniseran tupung iambeken ku Babel ndube. E maka i jenda ipindokenna Tuhan bertindak, bagi nai Tuhan enggo membela ras nampati bangsa Israel alu perbahanen-perbahanen si luar biasa si la pernah ibegi ras iidah manusia (Bdk. I bas Tuhan membebasken Israel i bas Mesir nari). Permohonen e banci siidah alu kata-kata, “Caingken min langit, nusurlah Kam Tuhan, petangkaslah kuasaNdu man imbangNdu.”

Bimbingen PJJ Kepkepen 24 - 29 November 2014

BIMBINGEN PJJ KEPKEPEN 24 - 29 NOV. 2014

Pdt. Larena br. Sinuhadji

Tema : 

Mendidik Anak Rikutken Singena Ate Tuhan

Bahan : 

Lukas 18:35-17, Kuan-Kuanen 29:17

Tujun : Gelah Orang Tua :

Nggejapken maka anak-anak e me kap erta si mehergana kel

Ngelitken waktu guna mendidik anak-anak rikutken si ngena ate Tuhan

BENA KATA

Anak e me pemere (anugerah) si rehna ibas Dibata nari ibas tep-tep jabu, khususna jabu kalak si tek. Sebage tanda pengataken bujurta man Dibata maka arus sicidahken tanggungjawabta man anak, alu kita ngkelengi ras mperdiatekenca, subuk secara kiniteken, fisik, pemeteh ras kejiwaanna.

Momo Tgl. 23 November 2014

Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 23 November 2014 guna banci iteh kai-kai saja kegiaten-kegiatenta sada minggu enda, banci inenndu ibas tautan i teruh enda :

Panduan, Format Program Tahun 2015 & Formulir Pendataan Jemaat

PANDUAN, FORMAT PROGRAM TAHUN 2015 & FORMULIR PENDATAAN JEMAAT

Salam mejuah-juah ibas Kristus man banta kerina.

PANDUAN PENYUSUNAN PROGRAM 2015

Man banta kerina Kabid-kabid, Seksi-seksi si membidangi Persekutuan Kategorial i bas teruh bidang Koinonia, bage pe Seksi-seksi i bas teruh bidang Marturia ras Diakonia, i bas teruh enda banci iaksesndu Panduan Penyusunan Program 2015 guna banci membekali kita erbahan program tahun 2015 :

Bimbingen Khotbah Minggu 23 November 2014

BIMBINGEN KHOTBAH MINGGU 23 NOVEMBER 2014

(PENDUNGI TAHUN GEREJA)

Pdt. Larena br. Sinuhadji (Nd. Reynard Tarigan)

Introitus :

Efesus 1:17 “Kupindoken man Dibata Tuhanta Jesus Kristus, Bapa si ermulia, gelah iberekenNa man bandu kesah kepentaren dingen ipetangkasNa diriNa man bandu gelah itandaindu Ia”

Ogen :

Esekiel 34:20-24 (Responsoria)

Khotbah :

Efesus 1:15-23 (Tunggal)

Tema :

PAKEKENLAH KESAH KEPENTAREN DIBATA

Penjelasen Bahan Khotbah

Bagin khotbah e me kap kerna pertoton Paulus nandangi perpulungen Epesus si tetap setia erkiniteken man Tuhan Jesus. Si pemena, Paulus mereken apresiasi nandangi perpulungen si enggo tek man Tuhan Jesus Kristus ras kiniteken si icidahken perpulungen alu saling ngkelengi sada ras si debanna (ay. 15, bdk. Perb. 2:43-47). Si peduaken, je nari Paulus la lupa ngataken bujur man Dibata, sabab igejapiNa maka perpulungen banci berkembang erkiteken perkuah ate Tuhan ras tetap ia ertoto nandangi perpulungen. Isi pertoton Paulus e me kap :

Bimbingen PJJ 16 - 22 November 2014

BIMBINGEN PJJ 16 - 22 NOVEMBER 2014

(ADVENT)

Pdt. Larena br. Sinuhadji (Nd. Reynard Tarigan)

Ogen :

1 Petrus 4:7-11

Tema :

NGGELUH RAS ERGAKENLAH PEMERE DIBATA

Tujun : Gelah ngawan ni perpulungen:

Ngergaken pemere Dibata ibas kegeluhenna

Ersikap, erkiniteken ibas ngalo-ngalo ketubuhen Jesus bage pe kerehenNa si peduakaliken

Surat Petrus enda itujuken man kalak Kristen si merap marpar i belang-belang bagin utara Asia Kitik si sangana ngenanami kiniseran (Turki gundari), subuk kiniseran i bas darat nari, penyiksaan, tekanan, i bas pemerentah Romawi nari erkiteken kinitekenna man Tuhan Jesus. Kiniseran si peduaken rehna arah perpulungen nari, lit anggota perpulungen i ja sikap geluhna la jadi teladan tapi jadi batu antuken. Erkiteken buena tekanan, kiniseran e, maka kurang pedas iakap perpulungen kerna kerehen Tuhan si peduakaliken, gelah pulah ibas kerina kiniseran nari. E maka i jenda ilumbaken Petrus hal-hal si penting i bas tetap nimai kerehen Tuhan Jesus si peduakaliken.

Momo Tgl. 16 November 2014

Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 16 November 2014 guna banci iteh kai-kai saja kegiaten-kegiatenta sada minggu enda, banci inenndu ibas tautan i teruh enda :

Pengurus PJJ Sektor GBKP Rg. Batam Centre Periode 2014 - 2015

PENGURUS PJJ SEKTOR PERIODE 2014 - 2019

GBKP Rg. BATAM CENTRE

Pengurus Perpulungen Jabu-jabu (PJJ) Sektor GBKP Rg. Batam Centre Periode 2014 - 2019 yang dilantik dengan SK No. : 135/RG/BTC/X/2014 Tgl. 26 Oktober 2014 adalah sebagai berikut :

Bimbingen Khotbah Minggu 16 November 2014

BIMBINGEN KHOTBAH MINGGU 16 NOVEMBER 2014

Pdt. Larena br. Sinuhadji (Nd. Reynard Tarigan)

Introitus :

“Kita ipilih Dibata labo gelah si nanami ukumen si reh i bas Ia nari, tapi gelah sialoken keselamaten arah Tuhanta Jesus Kristus” [1 Tesalonika 5:9]

Ogen :

1 Tesalonika 5:1-11 [Tunggal]

Khotbah :

Sepanya 1:7, 12-18 [Tunggal]

Tema :

WARI TUHAN REH ME 

1. Sepanya, banci ikataken nabi si luar biasa sebab ia kesusuren raja. Nini bulangna e me kap raja Hiskia, raja Yehuda pe-13-ken (716-687 SM). Gelar “Sepanya” ertina: “Yahwe menyimpannya.” Janah sue bagi gelarna, maka nabi enda isimpan Dibata guna jadi “juru bicara Allah” i bas waktu si enggo itentukenNa. Sepanya melayani sebage nabi Tuhan i bas masa pemerentahen raja Josia anak Amon (640-608 SM). Josia tercatat sebage raja si mehuli dingen mbiar man Tuhan ibas masa pemerentahenna, aminna umur 8 tahun paksa si e, ia jadi raja gantiken bapana Amon si seh kel jahatna (2 Taw. 34:1). 10 tahun kenca ia jadi raja, e me kap i bas usiana 18 tahun, ilakokenna refomasi rohani secara nasional (2 Taw. 34:8). Tapi kepeken banci siidah, kebangunen kiniteken si ilakoken Josia labo maba pertobaten si sungguh-sungguh man rayatna. Banci jadi erkiteken kejahaten si enggo berakar ilakoken bangsa Israel sedekah enda, e me kap i bas masa pemerentahen dua raja, Manasye ras Amon (2 Raja 21:9-17, 2 Taw. 33:9, 21-22), seh makana enggo pe ipimpin raja si sungguh jadi usihen, taat, mbiar man Tuhan, labo maba perubahen ku si mehuli. Pertobaten ibas kulit luarna saja.

Bimbingen PJJ 09 - 15 November 2014

BIMBINGEN PJJ 09 - 15 NOVEMBER 2014

Pdt. Larena br. Sinuhadji (Nd. Reynard Tarigan)

Ogen :

Kejadin 39:21-23

Tema :

TERANDALKEN

Tujun : Gelah ngawan ni perpulungen :

Meteh uga Jusuf si terandalken ibas kegeluhenna

Tetap nggeluh terandalken ibas kai-kai pe si mehuli 

1. Jusuf idayaken senina-seninana ku Mesir, ras jadi si erdahin Potifar, kepala pengawal istana Firaun. Si luar biasa, enggo pe idayaken, ras i negeri kalak, bahkan jadi sekalak pembantu, Tuhan tetap ngarak-ngarak Jusuf, e maka kai pe si idahikenna mehuli jadina. Labo terjeng je saja, isuruhna Jusuf guna ngurus rumahna ras kerina ertana. Iendesken Potifar kai pe man Jusuf, janah la nai kai pe lit man ukurenna, seakatan man saja. Sebage sekalak si erdahin, Jusuf dapat diandalkan. Si e kerina erkiteken kiniteken Jusuf man Tuhan ras teridah arah kerina pengkebet geluhna. Ras memang enggo terbukti, i ja lit godaan arah ndehara bosna sendiri, Jusuf tetap ngasup ngkuasai dirina. Ndehara Potifar memutarbaliken fakta, seh akhirna Jusuf itamaken Potifar ku penjara.

Momo Tgl. 9 November 2014

Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 9 November 2014 guna banci iteh kai-kai saja kegiaten-kegiatenta sada minggu enda, banci inenndu ibas tautan i teruh enda :

Bimbingen Khotbah Minggu 09 November 2014

BIMBINGEN KHOTBAH MINGGU 09 NOVEMBER 2014

Pdt. Larena br. Sinuhadji (Nd. Reynard Tarigan)

Introitus :

“Jenari nina Jesus, “Dage ersikap-sikaplah sabap la ietehndu warina entah pe jamna Tuhan reh.” [Matius 25:13]

Ogen :

Amos 5:18-24 [Tunggal]

Khotbah :

Matius 25:1-13 [Tunggal]

Tema :

ERSIKAPLAH 

1. Bahan khotbah minggu enda ituriken Tuhan Yesus arah bentuk perumpamaan e me kerna Kinirajan Surga si ipebaliNa ras kerja erdemu bayu. Kristus e me kap si empo ras kalak si tek (gereja) eme pengentin si diberu. Ituriken i jenda kerna 10 kalak si nguda-nguda si ersikap guna ngalo-ngalo si empo. Ibas si 10 si nguda-nguda e, lima kalak lenge, ras lima kalak pentar. 10-na kalak enda seri tindakenna, ibabana lampuna, nimai si empo janah erkiteken melawen maka reh si empo, maka munduk-munduk ia kerina jenari tunduh ia kerina.  Si mbedakennca, si pentar babana persikapenna, emekap minak tambahen, sebab memang enggo iukurina, entah melawen kari reh si empo. Sedang

Bimbingen PJJ 02 - 08 November 2014

BIMBINGEN PJJ 02 - 08 NOVEMBER 2014

Pdt. Larena br. Sinuhadji (Nd. Reynard Tarigan)

Ogen :

1 Korinti 10:31-33, 11:1

Tema :

ERGUNALAH MAN KALAK SI DEBAN

Tujun :

Gelah ngawan ni perpulungen :

Meteh uga rasul Paulus banci jadi usihen man perpulungen

Tetap ndalanken sebage usihen ibas kegeluhenna 

1. Konteks perikopta ngerana kerna kai pe silakoken kita gelah tama kemulian man Tuhan ras ula jadi batu antuken man kalak si deban. Labo ibas perikop enda saja Paulus ngerana kerna pangan khususna si enggo ipersembahken man berhala, tapi pe ibas 1 Kor. 8. Jelas teologia Paulus ngatakenca maka pangan labo maba kita reh deherna ras Dibata. Bicara la sipan pe labo lit rugina, bicara sipan pe labo lit untungna. Tapi metengatlah kita, gelah ola min kebebasenta e erbahanca maka guling kalak si merampek kinitekenna (ps 8:8,9).

Momo Tgl. 2 November 2014

Man banta kerina perpulungen si ateta meng-akses Momo (Warta Jemaat) Tgl. 2 November 2014 guna banci itehndu kai-kai saja kegiaten-kegiatenta sada minggu enda, banci inenndu ibas tautan i teruh enda :

https://drive.google.com/file/d/0BwJ9owBVBnRMMHFUNnRwS3VUcTA/view?usp=sharing

Bujur ras mejuah-juah, Dibata si masu-masu pelayanenta ibas sada minggu enda.

GBP KAKR GBKP 2010-2015 & P3 KAKR GBKP

Bagi yang ingin mengakses file GBP KAKR GBKP 2010-2015 & P3 KAKR GBKP silahkan klik tautan di bawah ini :

https://drive.google.com/file/d/0BwJ9owBVBnRMcjV2dWtLNWtVaU0/view?usp=sharing

Semoga bermanfaat. Gbu.