BIMBINGEN KHOTBAH 26 FEBRUARI 2017

BIMBINGEN KHOTBAH 26 FEBRUARI 2017

PASSION I

Thema:“IDILO GUNA PEHULIKEN”

Invocatio : Kuan-Kuanen 10 : 22

Ogen : II Petrus 1 : 16 – 21

Khotbah : Masmur 2 : 1 – 12

Pdt. Maria E br Sitepu

-          Pengantar

Adi kita mulihken nginget kubas tema khotbahta ibas minggu si lewat, emakana tangkas kal teridah ibas dua bahan pengogennta pelayanan si mehuli kal eme pelayanan si prima ntah pe pelayanan si lebih asa si arapken kalak. Engkai ? erkiteken pelayanan e iarapken tentuna gelah berdampak man kalak, emakana adi lebih asa siarapkenna kai siibahan kita nandangi temannta, la padah kita ngerana masalah kata Dibata lebe, tapi arah kai siibahan kita epe nggo tergejap bas temannta.
Emakana adi nggo kita seh kubas tingkatan e, makana kita ngerana masalah man kai kin situhunna pelayanan si bereken kita man temannta enda. Tentuna lit 2 tujun ibas pelayanen siilakoken kita :

1.      Guna Tuhan

2.      Guna Temannta

3.      Guna dirinta.

Ibas minggu enda, kita fokus ngerana uga pelayanan enda ifokusken guna erdampak man kalak ras dirinta.

Sadar ntah la sadar, situhunna kerina si itepa Dibata enda kerina mehuli (enda banci siidah ibas kejadin 1, ija adi dung tepa Dibata si lit bas doni enda, maka katakenNa kerina e mehuli. Ertina mulai tang-tangna nari kerina e mehuli.

Tapi sijadi masalah gundari engkai si mehuli enda nggo lanai mehuli gundari ?

Contoh :

1.      Banjir

2.      Longsor

3.      Kejahatan

4.      Rsdna

Tentuna e jadi masalah bas kita. Tapi apakah kita hanya harus diam ibas si e kerina, ntah kita harus ngelakoken sesuatu ibas masalah si e ?

-          Masmur 2 : 1-12

Masmur enda biasana ikenal alu istilah masmur kerajaan. erkiteken piga-piga referensi ngatakenca, masmur enda ngidah peranan sekalak raja ibas peribadatan kalak Israel ibas paksa sie.

Adi siidah bagin enda, maka banci siperdiateken bagin enda terbagi :

1. Sifat raja (ayat 1-3)

Ibas bagin enda, banci siidah kepeken raja si nggo ipilih Dibata erban rencana guna pemberontakan nandangi Tuhan. tapi

2. Sikap Dibata (ayat 4-6)

Nuriken uga Dibata ersikap nandangi raja si memberontak nandangi ia.

3. Nasihat Dibata (7-12)

Arah bahan enda situhunna nuriken kepeken kita lanai bo mamang ateta erninsa kai si terjadi bas kegeluhen gundari enda. Siidah enterem kalak si erkuasa guna dirinta tapi salah makeken kai si nggo ibereken Dibata man bana. Padahal adi rikutken tema gundari enda, tugas ras fungsi kita reh kudoni enda guna pehuliken, labo guna erbahanca hal-hal si erbahanca nembah ate kalak. Emakana e tugas ras tanggung jawabta. Tapi e labo ngadi seh jenda, erkiteken adi siukuri si nggo terjadi ras usahanta guna pehuliken, tentuna erbahan sada penungkunen seh ndigan enda banci terjadi ? apakah usahanta enda la berarti ?

-          II Petrus 1 : 16-22

II petrus enda eme surat rasul Petrus nandangi perpulungen Kristen si ibas paksa sie erjumpa ras kalak si maba pengajaran-pengajaran sesat, khususna erkiteken Parousia ntah pe kedatangan Yesus Kristus si pedua kaliken. Pengajar-pengajar sesat enda erpengakap kerehen Yesus si peduakaliken eme dongeng ngenca. Emakana hal si enda me si ijawab rasul Petrus ibas bagin enda khususna ibas ayat 16. Janah ibas bagin selanjutna ituriken rasul Petrus ibas kejadin si nggo nanamina ras Yesus sangana Yesus nggeluh denga. Tapi memang adi ngerana masalah kerehen Yesus sipeduakaliken enda, la banci turiken erkiteken penggejapan tapi kita ngasup erkiteken Kesah sibadia si njemba kita.

-          Aplikasi

Emakana adi kaitken dua pengogennta ibas wari enda, tentuna si eteh kepeken memang aminna nggo itepa Dibata kerina mehuli, tapi erkiteken perukuren dagingta maka kita banci jadi la mehuli. Tapi sie kerina labo erbahanca kita erbahanca gelah kalak mulihken ku perukuren Dibata, emaka harus kita tetap berusaha aminna pe usaha enda mungkin la banci berhasil tapi harus siinget lit janji kerehen Yesus sipeduakaliken guna mpekena si e kerina. Emakana tetaplah kita erbahan hal si mehuli gelah kalak pe mehuli erkiteken kita idilo guna si e, janah pagi ibas paksana Dibata mindo pertanggung jawaban man kita.