BIMBINGEN MORIA 19 - 25 Februari 2017

BIMBINGEN MORIA  19 - 25 Februari 2017

LIT KIN AKU LA BUJUR MAN BANDU

Matius 20 : 1 – 16

Pdt. Maria E br Sitepu

-          Penjelasen Teks

Cerita enda situhunna seh kal menarikna, erkiteken adi siidah lit piga-piga hal si luar biasa alu gambaran perumpaaan enda :

1.      Pekerja

Lit 2 kalak jenda :

a.       Kalak si upahen

b.      Kalak si dongal

Gambaran enda situhunna ncidahken kepeken erdahin ibas pekan anggur Tuhan e labo terjeng kalak si lit pemetehna tapi kalak si lalit pe adi nggit ia banci ipake.

Janah adi siidah seterusna lit piga jenis kalak si dongal :

a.       Jam 9 pagi

b.      Jam 12 ciger

c.       Jam 3 karaben

d.      Jam 5 karaben

Gambaran enda situhunna cidahken kepeken maun-maun kita labo seri waktunta idilo Dibata guna erdahin ibas pekan anggurna

2.      Gaji

Gambaren enda, cidahken uga Dibata seh kal adilna man kerina jelma (seri ras perjanjin

Emakana adi siidah bahan enda, teridah uga Dibata ngajari ajar-ajarna pelayanan ibas doni enda. Melala kalak erpengakap dahin  pelayanan bagi erdahin bas perusahaan si ernin jam kerja, tapi dahin pelayanna labo bage. Dahin pelayanan eme dahin si labo masalah jam kerja, erkiteken padan Dibata nggo lit nandangi kita ibas dahin pelayanan enda.

-          Aplikasi

Emakana adi kita ngerana erkiteken tema morianta ibas minggu enda eme berbentuk penungkunen “Lit kin aku la bujur man bandu ?

Kita kerina jawabsa, lit kin Tuhan la bujur man banta.

Persoalanna gundari jenda masalah uga kita nggit ngangkasa perbahanen Tuhan ras pendauh dirinta ibas kemerhatan-kemerhatan sesaat. Maksudna bagenda. Sadar ntah la sisadari kinilangasupennta situhunna gundari enda guna ngangasa kinibujuren Dibata enda turah erkiteken cara pandang kalak sipake. Bujur si ipake jenda adi nggeluhta kerina tercukupi ntah banci jadi kalak bayak, sangap, tuah anak dilaki ras diberu, ras kerina hal-hal si nipi-nipiken enterem jelma. Tapi inget kinibujuren labo berkaiten rusur ras benda tapi kinibujuren enda maun-maun berhubungen ras uga sedekah enda Tuhan nemani kita bas geluhta. Emakana adi sungun Dibata bujur  Ia ? aturanna harus sijawab jujur aminna pe sangana melala persoalen, erkiteken kai si idat kita gundari enda pasti lit hal positif si ibahan Dibata man kita, gelah kinitekennta semakin dewasa.