BIMBINGEN MAMRE 19 - 25 Februari 2017

BIMBINGEN MAMRE

19 - 25 Februari 2017

KUGELUHKEN GELUHKU IBAS TUHAN

Yohanes 15 : 5 – 10

Pdt. Maria E br Sitepu

-          Penjelasen Teks

Injil Johanes eme injil si itulis guna perpulungen si lit ibas paksa si e, ija adi siidah arah cara nulis bagepe pemahaman-pemahaman si lit ibas si e gambarken Kitab enda itujukan man perpulungen Kristen si mungkin sebagian besar eme kalak Yahudi. Jadi penulis berupaya gelah perpulungen si kalak Yahudi mengerti ras ngasup ngaloken kai sikatakenna erkiteken Yesus Kristus.

Ibas bahan pengogennta guna pa mamre, enda ngerana perumpamaan erkiteken batang anggur, ija :

1.      Yesus Kristus eme batang Anggurna

2.      Dibata Bapa eme si puna juma anggur e

3.      Ajar-ajar nta pe kita kerina eme dahan anggurna.

Ibas :

1.      Ayat 5

Bagin enda nuriken Yesus selaku batang anggur janah kita me dahanna. Tapi harus siinget, kepeken dahan enda harus erbuah, emakana adi kita ras Yesus maka kita banci erbuah.

Salah sada hal istilah si menarik jenda eme tetap  ras melala

Jadi adi nggit melala maka kita harus tetap ras Yesus la miser-miser

2.      Ayat 6

Bagin enda ngerana resiko ntah pe upah adi la kita tetap ras Yesus eme maut

3.      Ayat 7

Adi ayat 6 ngerana masalah resiko, emakana bas bagin enda, Dibata nuriken kai keuntungen adi nggeluh kita tetap ras Yesus. Kai pe banci ipindondu.

4.      Ayat 8

Bagin enda nuriken, kepeken labo terjeng erbuah saja maka kita banci jadi ajar-ajar, kepeken harus melala buahna.

5.      Ayat 9-10

Bagin enda nuriken uga kekelengen Yesus nandangi kalak si serta ras ia

Emakana adi ngerana kita bas bagin enda, emakana lit 4 tipe jelma :

1.      Erdahan tapi la erbuah

2.      Erdahan tapi erbuah macem

3.      Erdahan, erbuah entebu tapi sitik

4.      Erdahan, erbuah entebu ras melala

-          Aplikasi

Emakana ibas minggu enda, isingetken man mamre situhunna kai kin sura-surana bas geluh enda. Adi ate datken kai sura-suranta janah mereken kemalemen ate man kalak, emakana lalit tawar menawar geluhndu harus ibas Tuhan.