Momo Tgl. 18 Januari 2015

Selamat wari Minggu! Mejuah-juah! Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 18 Januari 2015 guna banci iteh kai-kai saja kegiaten-kegiatenta sada minggu enda, banci inenndu i bas tautan i teruh enda :


https://drive.google.com/file/d/0BwJ9owBVBnRMTlJKa2pRMnkwaGc/view?usp=sharing

Bujur ninta man Dibata erkiteken kerina kegiaten i bas minggu si lepas enggo banci erdalan alu mehuli. Mari ras-ras sitotoken kerina kegiaten i bas Minggu enda, khususna :

1. Pekan Penatalayanen si bakal ilakoken sue jadwal si enggo isehken Moderamen nari e me Tgl. 18-24 Januari 2015, bage pe persikapen guna ngikuti Lakon Persadan Si Badia i bas Tgl. 25 Januari 2015. 
2. Penyusunen Laporen-laporen guna Musyawarah Ngawan 2015 i bas runggunta (Program PJJ Sektor, bage pe Program Kategorial) gelah banci idungi tepat waktu.
3. Persikapen guna Musyawarah Ngawan 2015 i bas runggunta.

Mari ras-ras muat bagin i bas kegiaten-kegiaten ibas gerejanta GBKP Rg. Batam Centre ras pe mari ras-ras sitotoken kerina kegiaten-kegiatenta i bas sada minggu enda gelah banci erdalan alu mehuli ras Tuhan terpuji i bas kerina kegiaten-kegiaten pelayanenta. Bage pe mari ras-ras sitotoken kerina Serayan Tuhan (Pdt./Pt./Dk./Em.), Pengurus-pengurus PJJ, Pengurus-pengurus Kategorial, Pelayan-pelayan KAKR, Panitia-panitia, ras pe Koster Gereja, gelah ipasu-pasu Tuhan i bas pendahin ras kesehatenna bage pe keluargana, segelah banci melayani alu tutus ras maksimal.

Bujur ras mejuah-juah, Dibata si masu-masu kita kerina. Amin.