Momo Tgl. 4 Januari 2015

Selamat Tahun Baru! Man banta kerina perpulungen si ndauh bage pe si ndeher si ateta meng-akses Momo (Warta Jemaat) Tgl. 4 Januari 2015 guna banci iteh kai-kai saja kegiaten-kegiatenta sada minggu enda, banci inenndu i bas tautan i teruh enda :

https://drive.google.com/file/d/0BwJ9owBVBnRMWU5udncwVExDT2M/view?usp=sharing

Bujur ninta man Dibata erkiteken kita enggo bengketi ku tahun si mbaru e me tahun 2015. Bujur man Tuhan erkiteken kerina kegiaten i bas sada tahun si lepas enggo banci terlaksana alu mehuli, amin gia lit denga i ja i je kekurangenna. Mari sitotoken gelah i bas tahun 2015 kerina kekurangen banci sitambahi gelah reh meningkatna pelayanen i bas Runggunta.Sitotoken kerina kegiaten i bas minggu enda gelah banci erdalan alu mehuli :

1. Sn./Tr.-ta si sangana mulih ku Batam gelah banci seh ku kutanta enda alu mejuah-juah. 
2. Persikapen guna Pekan Penatalayanen si bakal ilakoken sue jadwal si enggo isehken Moderamen nari e me Tgl. 18-24 Januari 2015..
3. Pencanangan Tahun Peningkatan Sosial, Ekonomi ras Budaya 2015..
4. Bencana-bencana si terjadi i bas negaranta gelah si jadi korban ibereken pergegeh i bas Tuhan nari ras pe melala pihak si terlibat guna nampati korban bencana enda.

Mari ras-ras muat bagin i bas kegiaten-kegiaten ibas gerejanta GBKP Rg. Batam Centre ras pe mari ras-ras sitotoken kerina kegiaten-kegiatenta i bas sada minggu enda gelah banci erdalan alu mehuli ras Tuhan terpuji i bas kerina kegiaten-kegiaten pelayanenta. Bage pe mari ras-ras sitotoken kerina Serayan Tuhan (Pdt./Pt./Dk./Em.), Pengurus-pengurus PJJ, Pengurus-pengurus Kategorial, Pelayan-pelayan KAKR, Panitia-panitia, ras pe Koster Gereja, gelah ipasu-pasu Tuhan i bas pendahin ras kesehatenna bage pe keluargana, segelah banci melayani alu tutus ras maksimal.

Bujur ras mejuah-juah, Dibata si masu-masu kita kerina. Amin.