Bimbingen PJJ Tgl. 4 - 10 Oktober 2015

BIMBINGEN PJJ TGL. 4 - 10 OKTOBER 2015

Pdt. Larena br. Sinuhadji (Nd. Reynard Tarigan)

Ogen :

Matius 5:17-20

Tema :

BUDAYA RAS INJIL

Tujun :

Gelah ngawan ni perpulungen :

1) Meteh maka kerehen Jesus ku doni labo meneken undang-undang

2) Melestariken budaya Karo si la bertentangen ras kiniteken (Injil)

PENJELASEN BAHAN PUSTAKA SI BADIA

Renungenta merupaken bagin i bas khotbah Tuhan Jesus i datas uruk, si intina, maka kerehen Tuhan Jesus labo ncedai undang-undang si ibereken Musa ras iajarken nabi-nabi tapi guna nuhi si enggo isuratkenna (Aku datang bukan untuk meniadakannya tapi untuk menggenapinya). Hal enda ilumbaken Tuhan Jesus erkiteken litna kecugiaan i bas kalak Jahudi (pemimpin-pemimpin agama Jahudi), maka pengajaren Tuhan Jesus bertentangen ras undang-undang si ibereken Musa ras para nabi. Malah kehadiren Tuhan Jesus justru menyempurnaken kerna Undang-undang Taurat (ate Tuhan Jesus merealisasiken undang-undang e secara penuh ras nggeluh i bas diriNa, bdk. ay. 21-48, i ja Tuhan Jesus menyempurnaken kai si enggo isuratken undang-undang. Sebage contoh, undang-undang ula erlua-lua. Sedangken ajaren Tuhan Jesus ise mpernehen sekalak diberu, je nari turah kerincuhenna nandangi diberu e, situhuna ia enggo erlua-lua i bas ukurna. Contoh si deban, kelengilah temanndu, janah elem-elemlah man imbang-imbangndu. Sedangken ajaren Tuhan Jesus, kelengilah imbang-imbangndu janah ertotolah man Dibata kerna kalak si erbahanca kam ngenanami kiniseran).

Jesus menggenapi Undang-undang Musa arah jatidiriNa sendiri bage pe arah kai si iajarkenNa ras idalankenNa. Berbeda ras pemimpin-pemimin agama Jahudi si hanya mereken undang-undang tapi la idalankenna undang-undang e (piga-piga kali Tuhan Jesus ngatakennca maka guru-guru agama ras kalak Parisi pekulah-kulah, bdk. Mat. 23, Mrk. 12:40, Luk. 11:39-42). E maka nina Tuhan Jesus, labo banci kita bengket ku bas Kinirajan Surga adi la kin tutusen erbahan si ngena ate Dibata asa guru-guru agama ras kalak Parisi. Maka i bas bagin si deban pe Tuhan Jesus ngerana, “Labo kerina kalak si erlebuh man bangKu, O Tuhan, Tuhan bengket ku bas Kinirajan Surga, tapi kalak si ngelakoken si ngena ate Dibata. Jelas si iarapken Tuhan Jesus e me kap arah kai pe si nilakoken kita tuhu-tuhu si ngena ate Dibata. Sedangken kalak Parisi ras guru-guru agama, memberlakukan undang-undang enda hanya sebage tampilen luar ngenca (kelihatannya saleh, kudus), tapi kai si ngena ate Dibata la idalankenna i bas kegeluhenna, e me kap ngkelengi Tuhan Dibata ras ngkelengi sesama manusia.

Jelas, maka arah kerehen Tuhan Jesus labo ncedai entah pe meneken undang-undang ras tradisi kalak Jahudi si enggo lit, melainkan mpepintersa gelah sue bagi si ngena ate Dibata. Memperbaharui pemahaman.

APLIKASI

Budaya ras Injil banci ikataken merupakan dua kategori si berbeda tapi la perlu sipertentangken. Budaya banci ipake guna nehken si ngena ate Dibata. Budaya e me kap kebiasaan, kesemalen si enggo mentradisi i bas kegeluhennta mulai kin tubuh nari. Janah budaya banci sipake guna meritaken Injil, secara khusus budaya Karo si lit bas kita. Keberhasilen per-Berita si Meriah i bas jaman Zending, erkiteken masuk alu jalur budaya: subuk bahasa, pertuturen, paken, rsd. Tapi i bas si e, rikutken perkataan Tuhan Jesus, maka budaya entah pe tradisi e arus terus ipelimbarui, ipepinter gelah tetap sue bagi si ngena ate Dibata. Ertina, budaya entah pe tradisi leluhur si la nari membangun kinitekenta, arus pang kita nulaksa. Termasuk budaya modern arus tetap kita selektif ras kritis. Budaya modern (IT) cukup nampati kita membangun kinitekenta, arah kemudahan ndatken informasi-infomasi si berkaiten ras Kata Dibata. Bahkan ende-nden GBKP ras Alkitab pe enggo ikemas alu aplikasi android (IOS) si memudahken kita, i ja pe banci ngoge ras rende muji Tuhan. Tapi kita pe arus metenget, maka budaya modern pe menularken sikap (sifat) konsumtif, instan, materialistik, hedonis. Sabab adi la kita metenget si e kerina banci meneken kinitekenta ras kedungenna terbawa arus jaman kita. Budaya leluhur si mehuli arus tetap sipegeluhken ras tetap arus iterangi alu Kata Dibata. Janah ola ka kita anti dengan budaya modern tapi tapi tetap lit nilai selektif ras kekritisenna i bas kita makekenca. Tuhan ulu kepentaren si mpengasup kita guna banci kita mpergunaken budaya si enggo ibereken Tuhan banta guna kita banci nehken kekelengen man Tuhan bage pe man kalak si deban.